|
Y Pwyllgor Iechyd a Gofal Cymdeithasol |
|
Lleoliad: |
Ystafell Bwyllgora 1 - y Senedd |
|
|
||
|
|
|
||||
|
Dyddiad: |
Dydd Mercher, 20 Mehefin 2012 |
|
|||
|
|
|
||||
|
Amser: |
10:00 - 12:30 |
|
|||
|
|
|
||||
|
Gellir gwylio’r cyfarfod ar
Senedd TV yn: |
|||||
|
|
|||||
|
|
|||||
|
Cofnodion Cryno: |
|||||
|
|
|
|
|||
|
Aelodau’r Cynulliad: |
|
Mark Drakeford (Cadeirydd) Mick Antoniw Rebecca Evans Vaughan Gething William Graham Elin Jones Lynne Neagle Kirsty Williams |
|||
|
|
|
||||
|
|
|
|
|||
|
Tystion: |
|
Lesley Griffiths, Y Gweinidog Iechyd a Gwasanaethau Cymdeithasol Gwenda Thomas, Y Dirprwy Weinidog Plant a Gwasanaethau Cymdeithasol Gareth Griffiths, Llywodraeth Cymru Chris Humphreys, Llywodraeth Cymru Steve Milsom, Llywodraeth Cymru David Worthington, Llywodraeth Cymru |
|||
|
|
|
||||
|
|
|
|
|||
|
Staff y Pwyllgor: |
|
Fay Buckle (Clerc) Llinos Dafydd (Clerc) Meriel Singleton (Clerc) Claire Griffiths (Dirprwy Glerc) Catherine Hunt (Dirprwy Glerc) Stephen Boyce (Ymchwilydd) Philippa Watkins (Ymchwilydd) |
|||
|
|
|
||||
1. Cyflwyniad, ymddiheuriadau a dirprwyon
1.1 Cafwyd ymddiheuriadau gan Darren Millar a Lindsay Whittle. Nid oedd unrhyw ddirprwyon.
2. Trafodaeth ar y flaenraglen waith - hydref
2.1 Cytunodd y Pwyllgor i gynnal ymchwiliad polisi byr i strategaeth yn y dyfodol ar gyfer diabetes yng Nghymru yn nhymor yr hydref, i’w amserlennu o amgylch ei ymrwymiadau craffu deddfwriaethol a chyllidebol.
2.2 Cytunodd y Pwyllgor y byddai ei ymchwiliad polisi tymor hwy nesaf yn canolbwyntio ar werthusiad o dechnoleg feddygol. Cytunodd y Pwyllgor y byddai amseriad y broses o gasglu tystiolaeth lafar ar gyfer yr ymchwiliad hwn yn dibynnu ar raglen graffu ddeddfwriaethol y Pwyllgor.
2.3 Gwnaeth y Pwyllgor gais i’r cylch gorchwyl drafft ar gyfer y ddau ymchwiliad polisi gael eu paratoi gan yr ysgrifenyddiaeth fel y gellir cynnal ymgynghoriadau cyhoeddus dros doriad yr haf.
2.4 Cytunodd y Pwyllgor i drefnu sesiwn gyda Chomisiynydd Pobl Hŷn Cymru i drafod ei adroddiad blynyddol yn nhymor yr hydref.
3. Ymchwiliad i ofal preswyl ar gyfer pobl hŷn - Tystiolaeth gan y Dirprwy Weinidog Plant a Gwasanaethau Cymdeithasol
3.1 Atebodd y Dirprwy Weinidog a swyddogion y cwestiynau gan aelodau’r Pwyllgor am ofal preswyl ar gyfer pobl hŷn.
3.2 Cytunodd y Dirprwy Weinidog i ddarparu gwybodaeth ysgrifenedig am sut mae Arolygiaeth Gofal a Gwasanaethau Cymdeithasol Cymru yn ymgynghori â’r undebau llafur fel rhan o’i chynllun i foderneiddio’r broses reoleiddio ac arolygu, ac i ofyn i’r Gweinidog Tai, Adfywio a Threftadaeth ddarparu gwybodaeth am dargedau Llywodraeth Cymru i gynyddu’r defnydd o ragor o gyfleusterau gofal fel ffordd o ateb anghenion pobl hŷn.
4. Bil Sgorio Hylendid Bwyd (Cymru) : Cyfnod 1 - Sesiwn dystiolaeth 1
4.1 Cymerodd y Pwyllgor dystiolaeth gan y Gweinidog Iechyd a Gwasanaethau Cymdeithasol.
4.2 Cytunodd y Gweinidog i ysgrifennu at y Cadeirydd i egluro pam mae’r manylion ynghylch yr hysbysiadau cost benodedig wedi’u cynnwys yn y Bil a pham nad yw’r esemptiadau posibl i’r cynllun wedi’u cynnwys ar y cam hwn.
5. Papurau i'w nodi
P-03-295: Kyle Beere - Gwasanaethau Niwroadsefydlu Paediatrig
5.1 Trafododd y Pwyllgor y llythyr a chytunodd nad oedd ei amserlen yn caniatáu ystyriaeth ddi-oed o wasanaethau niwroadsefydlu paediatrig, ond y byddai’n eu hystyried fel pwnc posibl ar gyfer gwaith yn y dyfodol.
Llythyr gan Gomisiynydd Pobl Hŷn Cymru - Confensiwn gan y Cenhedloedd Unedig ar hawliau pobl hŷn
5.2 Trafododd y Pwyllgor y llythyr a chytunodd i drafod y mater gyda’r Comisiynydd yn nhymor yr hydref, yn ystod y sesiwn ddisgwyliedig ar adroddiad blynyddol Comisiynydd Pobl Hŷn Cymru.
Trawsgrifiad
Gweld trawsgrifiad o'r cyfarfod.